邀請家人/家人信主篇

「坦誠相邀,因為愛。」

王小敏

為了邀請爸爸來教會活動,我無所不用其極,呃呃氹氹做到足。

因為自小就返教會,小時候腦囟未生埋,所以見證好差。面對家人迫逼你要上香又食貢品時,不懂如何應對,就唯有靠惡。久而久之家人見慣了就不再迫逼我了,就這樣我勝出了。

  但係又正因為咁,我真係無乜牙力邀請佢地返教會。好不容易放下身段,就這樣,第一次邀請爸爸返教會,是說:「我請你去嘉年華食飯啊!」就係咁佢第一次踏足了教會的大門口!

其實爸爸患上癌症才是我願意放下身段的最大原因,當你發現時間隨時會無嘅時候,就可以不顧一切……可能也正因為佢體弱多病,無力同我抗戰所以至願意返來。爸爸第二次同第三次同教會接觸都係探訪,十分感謝探訪的兄姊,再一次用飲飲食食來厄左我爸爸落街下午茶!可是……他還是沒有接受耶穌,但至少,他接受了教會。

  爸爸第四次返教會,係因為一位弟兄的邀約,我爸竟然主動送上門!雖然最後佢地因為某些原因沒有成功碰面,但係佢又更熟悉左教會……第五次返教會,係比較尷尬嘅一次:那次是長者福音主日,其實辦得相當成功,但係長者呢個range真係太大啦!我想像中的同佢想像中的同最後發生的完全係三回事,佢一邊嘮嘮叨叨咁撐過左整場主日,因為我唔老實,一開頭就話:「有靚麵食架!」我心想:生師傅應該會即場耍兩手,我應該可以分一杯羹,但係無啊!所以佢大聲話我吹水我都無話可說,他黑着面咁就走左……

  在上次之後,真係好害怕去邀請佢,因為先入主覺得佢會拒絕我,本身都諗住遲下先再邀請啦,所以只是守望禱告,但好多好多兄姊不斷關心下,我就把心一橫先斬後奏,又留了兩張即將發生的10月25日的飯券比佢,誰不知,神蹟就默默地發生,他竟然又答應要來,可能美食當前無人能擋,盼望聖靈保守他當天能按時出席又能多了解福音。

  其實坦誠好重要,最後結論是:狼來了的故事是真的,一開頭都鼓勵大家用厄厄氹氹的方式,先讓他覺得你別無用意,純粹食飯。但到後期,真的要用力禱告和真實坦誠地跟家人談論信仰,才能讓他真的明白在做甚麼。最後,請記住要放下身段!

2 3 4 5 6