邀請家人/家人信主篇

「開放家訪多顧慮」

廖嘉瑤

  受fish嘅邀請同大家分享下我參與遍傳既原因,同點解會開放我屋企探訪:

  其實點會參與遍傳都無咩特別原因,都係想為傳福音出一分力。因為我都係前人出嘅力而令我歸主的。每一個活動都需要很多人的付出及努力,才能成就遍傳福音的心及果效。 雖然我都唔覺得我自已參與左好多、付出左好多,但係勿以事小而不為,不論可做之事為何,都願意為主擺上;我覺得呢個係我身為基督徒嘅核心價值。所以不論係探訪、後勤工作、街佈、默劇、send poster等等各式各樣的事,都鼓勵弟兄姐妹一同參與係當中,相信在參與嘅同時都必定會有所得着及更新。

而開放我屋企探訪呢,過程好簡單。我記得有人問:「你願唔願意開放你屋企人被弟兄姐妹探訪呀?」我話:「我問下我呀媽得唔得先。」於是就問左探訪時間,之後就wechat左我呀媽問:「教會有探訪活動,想探訪你,你想唔想呀??」媽媽回答說:「好呀,幾時呀?」於是我就比左個時間佢,再覆返教會姐妹,比左地址同電話,事就這樣成,哈哈!

「你願唔願意開放你屋企人被弟兄姐妹探訪呀?」其實我對呢個問題都唔係好理解,願唔願意開放你屋企人,感覺好像我綁住佢地咁,哈哈!好似動物園,開放入園時間。我唔清楚其他人情況是否一樣,不知是否會對家人傳福音或者提出參與教會活動會感到有壓力,可能是因為怕家人會對教會接受度降低或被弟兄姐妹知道家裡一些私事等等嘅憂慮,或者怕家人很抗拒。可能我也沒有奢望他們會很快相信 ,只是想:有就問吧,食檸檬都無所謂的,有什麼關係?就自然一點吧!就像是叫他去飲茶、行街、食飯一樣,那家人也不會有壓力,事情會單純點,先從建立關係開始。畢竟自已也是花了一段時間才歸主,而讓弟兄姐妹探訪,也可以減少自已和家人因信仰的討論而容易吵架的情況。雖然媽媽還没完全相信,但接觸是信主的第一步,讓她的生活中也有教會的存在,自然就更容易接受了;同時要鞭策自己上點心、跟進情況。

所以大家不要害怕會怎樣?會怎樣?就問吧!就傳吧!單單的傳,單單的問,將一切都交給神,神會在家人的心中動工的!

2 3 4 5 6